لاہور(این این آئی)ترجمان وزارت خزانہ مزمل اسلم نے کہا ہے کہ درآمدی موبائل فون، جوتوںاورکپڑوں پر ٹیکس لگے گا، منی بجٹ پاکستان میں کوئی نئی چیزنہیں ہے موجودہ حکومت پہلے سال منی بجٹ لائی لیکن دوسرے اور تیسرے سال منی بجٹ نہیں لائی۔نجی ٹی وی سے گفتگو کرتے ہوئے

انہوں نے کہاکہ اہداف سے اوپر جا رہے ہیں اس لیے منی بجٹ لا رہے ہیں ،آئی ایم ایف سے کچھ معاہدے ہوئے اس لیے منی بجٹ لایاجا رہا ہے، 300ارب روپے ٹیکس لگانے کی آئی ایم ایف کی شرط نہیں مانی ،آئی ایم ایف نے450ارب روپے ٹیکس چھوٹ ختم کرنے کہا۔انہوںنے کہا کہ کچھ مصنوعات پر ٹیکس چھوٹ کوختم کرنے کا فیصلہ کیا گیا ہے ،درآمدی موبائل فون، امپورٹڈجوتوںاورکپڑوں پر ٹیکس لگے گا، اشرافیہ کو تحفظ دینے الزام بالکل غلط ہے۔انہوں نے کہا کہ پاکستان میں ہرآنے والے سال میں ڈالرکی قیمت بڑھی ہے ایسی کوئی حکومت نہیں گزری جس نے ڈالر کی قدرکم کی ہو جاپان کی کرنسی بھی 14 فیصد گری ہے ،یورپ میں اس وقت تاریخ کی بلندترین بجلی اور گیس کی قیمت ہے۔