لاہور( این این آئی)صوبائی دارالحکومت لاہور سمیت پنجاب بھر میں سموگ کے ساتھ ساتھ دھند نے صورتحال کو مزید سنگین کردیاجس کی وجہ سے شہریوں کا سفر کرنا محال ہوگیا ہے۔تفصیلات کے مطابق موٹر وے ایم تھری کو سمندری سے دریا خان تک جبکہ موٹروے ایم2 کولاہور ے کوٹ مومن
تک دھند کی وجہ ہر قسم کی ٹریفک کے لئے بند رکھا گیا۔ترجمان موٹر وے کے مطابق ملتان لاہور ایم فور موٹر وے فیصل آباد انٹر چینج کے مقام پر شدید دھند کے باعث بند کی گئی اور سیکڑوں گاڑیوں کو سفر جاری رکھنے سے روکدیا گیا۔دھند چھٹنے کے بعد بند کی گئی قومی شاہراہوں کو مرلہ وار کھول دیا گیا۔
