اسلام آباد(آن لائن ) وزیراعظم عمران خان نے کہا ہے کہ بعض ارکان قومی اسمبلی نے شدید علالت کے باوجود اجلاس میں شرکت کی ، پاکستان تحریک انصاف اور قوم کی جانب سے ان ارکان اسمبلی کے جذبے کو سراہتا ہوں۔ سماجی رابطوں کی ویب سائٹ ٹوئٹر پر جاری اپنے ایک پیغام میںوزیراعظم نے کہا کہ محمدخیال زمان، احسان اللہ ٹوانہ اور راحت امان اللہ بھٹی شدید علالت کے باوجود اجلاس میں شریک ہوئے ، شیخ رشید احمد نے بھائی کے انتقال کے باوجود اجلا س میں شرکت کی ان کے جذبے کو سراہتا ہوں ۔

موضوعات:عمران خان