اسلام آباد (مانیٹرنگ ڈیسک ، این این آئی) ممبر قومی اسمبلی شائستہ پرویز ملک نے دوران عدت ضروری امر کے لیے جانے کے حوالے سے باقاعدہ جامعہ اشرفیہ سے فتویٰ لے لیا۔نجی ٹی وی کے مطابق پارلیمنٹ کا مشترکہ اجلاس آج
قومی اسمبلی میں جاری ہے اور اجلاس میں شرکت کے لئے مسلم لیگ (ن) کی رہنما اور رکن قومی اسمبلی شائستہ پرویز ملک بھی شریک ہیں ۔لیگی رہنما شائستہ پرویز ملک اپنے شوہر ملک پرویز کی رحلت کے باعث اس وقت عدت میں ہیں، تاہم انہوں نے دوران عدت ضروری امر کے لیے جانے کے حوالے سے باقاعدہ جامعہ اشرفیہ سے فتویٰ لیا ۔دریں اثنا مسلم لیگ (ن)کی خاتون ایم این اے شائستہ پرویز ملک اپنے شوہر ایم این اے پرویز ملک کی وفات کے بعد بدھ کو پارلیمان کے مشترکہ اجلاس میں شریک ہوئیں۔ اس دوران وزیر مملکت زرتاج گل وزیر سمیت حکومتی اور اپوزیشن ارکان نے ان کی نشست پر جاکر ان سے تعزیت کی۔
