اسلام آباد(مانیٹرنگ ڈیسک)ٹک ٹاکر عائشہ اکرم کیس میں تہلکہ خیز موڑ آگیا ،عدالت نے اہم ملزم کی رہائی کا حکم جاری کر دیا۔ مینار پاکستان واقعہ میں عائشہ اکرم نے ایک گرفتار ملزم کو بے گناہ قرار دیدیا۔تفصیلات کے مطابق ایڈیشنل سیشن جج اخلاق احمد نے گریٹر اقبال پارک میں خاتون سے دست درازی کے مقدمے میں
گرفتار ملزم افتخار احمد کی ضمانت پر سماعت کی۔ دوران سماعت عائشہ اکرم نے کہا کہ ملزم افتخار احمد کو شک کی بنا پر گرفتار کرایا تاہم واقعہ کی ویڈیوز باربار دیکھی ہیں جس میں ملزم کا کوئی کردار نظر نہیں آیا۔ عدالت نے عائشہ اکرم کے بیان حلفی کی روشنی میں ملزم کو ضمانت پر رہا کرنے کا حکم دے دیا۔
