گوادر (مانیٹرنگ ڈیسک)نامعلوم افراد گوادر میں گورنمنٹ ہائی سکول گوادر جدید کی درسی کتابیں ساحل پر پھینک کر فرار۔نجی ٹی وی کے مطابق یہ کتابیں محکمہ تعلیم کی جانب سے اسکول کے طلبہ کو مفت دینے کیلئے سکول بھجوائی گئی تھیں۔علاقہ مکینوں نے کتابیں ساحل پر پڑی دیکھ کر سمندر برد ہونے سے بچ جانے والی کتابوں کو
محفوظ کرکے واپس سکول منتقل کردیا۔ڈائریکٹر تعلیم بلوچستان عبدالواحد شاکر نے نجی ٹی وی کو بتایا کہ محکمہ تعلیم نے یہ کتابیں بچوں کو مفت تقسیم کرنے کیلئے دی تھیں۔محکمہ تعلیم نے ایکشن لیتے ہوئے گورنمنٹ ہائی اسکول گوادر جدید کے قائم مقام ہیڈ ماسٹر محمد طارق علی کو معطل کرکے تحقیقات شروع کردی گئی ہیں۔
