اسلام آباد (مانیٹرنگ ڈیسک)ہانگ کانگ میں ایشیا کا سب سے مہنگا اپارٹمنٹ 14 ارب 27 کروڑ روپے سے زائد میں فروخت ۔غیر ملکی میڈیا رپورٹس کے مطابق ہانگ کانگ کا یہ اپارٹمنٹ فی اسکوائر فٹ کے لحاظ سے ایشیا

کا سب سے مہنگا اپارٹمنٹ ہے جس کی ایک اسکوائر فٹ کی قمیت تقریباً 31 لاکھ پاکستانی روپے سے زائد ہے جبکہ اپارٹمنٹ کا کل رقبہ 442 اسکوائر میٹر ہے۔غیر ملکی خبر رساں ایجنسی کے مطابق آسمان کی بلندیوں سے باتیں کرتے ایشیا کے مہنگے ترین اپارٹمنٹ کی قیمت 8 کروڑ 22 لاکھ امریکی ڈالرز مقرر کی گئی تھی جو پاکستانی کرنسی کے اعتبار سے 14 ارب 27 کروڑ روپے سے زائد ہے۔رپورٹس کے مطابق اس مہنگے اپارٹمنٹ کو خریدنے والے شخص کی شناخت نہیں ظاہرکی گئی جبکہ اس کے مہنگے ہونے کی وجہ یہاں سے شہر کا خوبصورت نظارہ ہے۔