دبئی (مانیٹرنگ ڈیسک) ٹی ٹوئنٹی ورلڈ کپ کے دوسرے سیمی فائنل میں پاکستان اور آسٹریلیا کے درمیان ٹاس ہو گیا، آسٹریلیا نے ٹاس جیت کر فیلڈنگ کا فیصلہ کیا ہے اور پاکستان کو بیٹنگ کی دعوت دے دی ہے، واضح رہے کہ انگلینڈ کو شکست دینے کے بعد نیوزی لینڈ پہلے ہی فائنل میں پہنچ چکا ہے۔پاکستان اور آسٹریلیا کے میچ پر سب کی نظریں مرکوز ہیں، پاکستان ایونٹ میں اب تک ناقابل شکست ہے، اس کے علاوہ امارات میں پانچ سال سے پاکستان نے کوئی میچ نہیں ہارا ہے۔ پاکستان کرکٹ بورڈ کے چیئرمین رمیز راجہ نے بھی پاکستانی ٹیم کو جارحانہ انداز اپنانے کا کہا ہے۔ دوسری جانب پاکستانی کھلاڑیوں پر گیارہ سال پہلے مائیک ہسی کے چھکوں بھری شکست کے بدلے کا جنون بھی سوار ہے۔