اسلام آباد(این این آئی)قومی احتساب بیورو نے اپنے قیام سے اب تک وصول کیے گئے 8 کھرب ساڑھے 21 ارب روپے کی تفصیلات جاری کر دیں۔ میڈیا رپورٹ کے مطابق نیب نے 5 کھرب 65 کروڑ سے زائد رقم بالواسطہ وصول کیں ،بینک نا دہندگان سے تقریباً 1 کھرب 98 کروڑ وصول کئے گئے۔ نیب نے رضاکارانہ واپسی اور پلی بار گین کے تحت 76 ارب 90 کروڑ روپے وصول کئے۔نیب کے مطابق احتساب عدالتوں کی طرف سے عائد کئے گئے جرمانوں کی مد میں 45 ارب 90 کروڑروپے وصول کئے گئے۔ قبضے میں لی گئیں املاک اور دیگر اثاثہ جات کے تخمینہ سے شمار کی گئی رقوم بالواسطہ وصولی کے زمرے میں آتی ہیں۔