دبئی (آن لائن) آ سٹریلوی کپتان ایرون فنچ نے کہا ہے کہ شاہین شاہ آفریدی زبردست فارم میں ہیں ان سے بچنا ہو گا۔ پاکستان مسلسل 5 میچ جیت کر فارم میں ہے۔ اس لیے ہماری ٹیم

کو فائنل میں جانے کے لیے غیرمعمولی کھیل کا مظاہرہ کرنا ہو گا۔پاکستان کیخلاف ٹی ٹوئنٹی ورلڈ کپ کے دوسرے سیمی فائنل سے قبل پریس کانفرنس میں ایرون فنچ نے کہا کہ سیمی فائنل میں پہلے بیٹنگ کریں یا باؤلنگ تاہم جیتنے کی صلاحیت رکھتے ہیں۔ میگا ایونٹ میں بیٹنگ ہو یا باؤلنگ پاور پلے اہمیت کا حامل ہے جبکہ ڈیتھ اوورز کے آس پاس کے اعدادوشمار ایک جیسے ہی ہیں۔ اس سے قبل قومی ٹیم کے بیٹنگ کنسلٹنٹ میتھیو ہیڈن نے کہا کہ کپتان بابر اعظم کوہلی کی طرح جارحیت نہیں دکھاتے اور اگر سیمی فائنل میں فخر بہت اچھا کھیلے تو اس میں حیران ہونے کی ضرورت نہیں ہے۔انہوں نے کہا کہ پاکستان کے لیے سیمی فائنل بہت اہمیت کا حامل ہے اور پاکستانی ٹیم کسی کے خلاف بھی اچھا کھیل سکتی ہے۔ آسٹریلیا کو ہرانے کے لیے بہترین کرکٹ کھیلنا ہو گی۔