اسلام آباد ( آن لائن)وزیر اعظم عمران خان نے قومی امور پر مشاورت اور متعدد فیصلوں پر اعتمادمیں لینے کیلئے پارٹی اور اتحادی اراکین اسمبلی اورسینیٹرز کو کل وزیر اعظم ہائوس بلا لیا ہے ۔تفصیلات کے مطابق وزیر اعظم عمران خان نے تمام پارٹی اور اتحادی اراکین اسمبلی اور سینیٹرز کو ظہرانے پر وزیرا عظم ہائوس بلالیا ہے اور اس
حوالے سے تمام اراکین کو مراسلہ بھی جاری کیا گیا ہے ،ذرائع نے بتایا کہ وزیراعظم مختلف قومی امور پر ارکان اسمبلی اور سینٹرز سے مشاورت اور متعدد فیصلوں پر اعتماد میں لیں گے اور قومی اسمبلی کے مشترکہ اجلاس کی حکمت عملی سے بھی آگاہ کیا جائے گا جبکہ وزیراعظم عمران خان ظہرانہ کی تقریب سے خطاب بھی کریں گے۔
