وزیرآباد(این این آئی)کالعدم تحریک (ٹی ایل پی) کے سربراہ اور ان کے بھائی سمیت سیکڑوں مظاہرین کیخلاف مقدمات درج کرلیے گئے۔کالعدم ٹی ایل پی کے سربراہ
اور دیگر مظاہرین کے خلاف وزیرآباد کے تھانہ صدر اور تھانہ سٹی میں مقدمات درج کیے گئے۔پولیس کے مطابق وزیر آباد میں درج مقدمات میں 207 نامزد اور 600 نامعلوم ملزمان شامل ہیں، مقدمات میں تحریک کے سربراہ، ان کے بھائی اور رکن سندھ اسمبلی قاسم فخری بھی نامزد ہیں۔پولیس کے مطابق مقدمات میں روڈ بلاک کرنے اور لوگوں کو ڈرانے دھمکانے کے الزامات ہیں جبکہ لاؤڈ اسپیکر ایکٹ کی دفعات شامل ہیں۔خیال رہے کہ گزشتہ روز حکومت اور کالعدم تحریک کے درمیان معاہدہ طے پایا تھا۔ذرائع کے مطابق معاہدے کے تحت کالعدم تنظیم آئندہ کسی لانگ مارچ یا دھرنے سے گریز کریگی اور آئندہ بطور سیاسی جماعت سیاسی دھارے میں شریک ہوگی۔
