لاہور (آن لائن) وزیراعظم کے نمائندہ خصوصی حافظ طاہر محموداشرفی نے کہا ہے کہ وزیراعظم عمران خان کی روضہ رسولؐ پرحاضری بھی کچھ دوستوں کوتکلیف دیتی ہے،عمران خان نے مکہ اورمدینہ میں کسی ذاتی،سیاسی اورخاندانی تقریب میں شرکت نہیں کی۔ایک بیان میں نمائندہ خصوصی حافظ طاہرمحموداشرفی نے کہا کہ وزیراعظم عمران خان نے مدینہ منورہ میں روضہ رسول ؐ پرحاضری دی،عمرہ کی سعادت کیلئے مکہ مکرمہ گئے۔عمران خان نے مکہ اورمدینہ میں کسی ذاتی،سیاسی اورخاندانی تقریب میں شرکت نہیں کی، جھوٹی اور بے بنیاد نیوز پھیلانے والے تحقیق ضرورکرلیاکریں۔انہوں نے کہا کہ عمرہ کے دوران اورروضہ رسول ؐ پرحاضری کے وقت اگرلاعلمی کے باعث کوئی کوتاہی ہوجائے تواللہ کریم معاف کرنے والے ہیں۔