ممبئی (این این آئی)بھارت کرکٹ بورڈ کے سربراہ اور سابق کپتان سارو گنگولی نے کہا ہے کہ یہ نہیں ہوسکتا کہ ہر وقت بھارت ہی بڑے ایونٹس جیتے۔ایک انٹرویو میں

سارو گنگولی نے کہا کہ ورلڈ کپ میں بہت مرتبہ پاکستان اور بھارت کے درمیان میچز ہوئے۔انہوں نے کہا کہ بڑے ایونٹس میں اکثر دونوں ٹیموں کے میچز سے ٹورنامنٹ شروع ہوتا، ان کے میچز میں ٹکٹوں کی ڈیمانڈ بہت ہوتی ہے۔سابق بھارتی کپتان نے کہا کہ مجھے کبھی بھارت اور پاکستان کے میچ کا پریشر محسوس نہیں ہوا۔انہوںنے کہاکہ کرکٹ اچھی اس وقت ہی ہوگی جب تمام بورڈز مالی طور پر اچھے ہوں گے۔سارو گنگولی نے کہا کہ یہ نہیں ہوسکتا کہ ہر وقت بھارت ہی بڑے ایونٹس جیتے، ورلڈکپ میں پاکستان سے بھارت کا ریکارڈ اچھا ہے۔انہوں نے کہا کہ ایک وقت تھا جب پاکستان حاوی ہوتا تھا، لیکن اب بھارتی ٹیم حاوی رہتی ہے۔