اسلام آباد (این این آئی)وزیرِ اعظم عمران خان سے وزیرِ داخلہ شیخ رشید نے ملاقات کی جس میں ملک میں امن و امان اور سیاسی صورتحال پر گفتگوکی گئی۔ جمعرات کو
جاری اعلامیہ کے مطابق ملاقات میں افغانستان کی صورتحال پر بھی تفصیلی بات چیت کی گئی۔ راولپنڈی میں جاری ترقیاتی منصوبوں، خاص طور پر نالہ لئی منصوبے پر پیش رفت پر بھی گفتگو کی گئی۔واضح رہے کہ اس سے قبل وزیراعظم ہاؤس میں ہونے والے اہم اجلاس میں شرکت کے لیے وفاقی وزیر داخلہ شیخ رشید پولیس کی تقریب ادھوری چھوڑ کر روانہ ہونا پڑا۔وزیر داخلہ شیخ رشید اسلام آباد پولیس کی ایک تقریب میں موجود تھے کہ اسی دوران انہیں وزیراعظم ہاؤس میں ہونے والے اہم اجلاس کی اطلاع ملی۔وزیراعظم ہاؤس میں ہونے والے اہم اجلاس میں شرکت کے لیے وزیر داخلہ شیخ رشید کو فوری شرکت کی ہدایت کی گئی۔وزیر داخلہ شیخ رشید احمد اسلام آباد پولیس کی تقریب ادھوری چھوڑ کر وزیراعظم ہاؤس کے لیے روانہ ہو ئے بعد ازاں وزیر داخلہ کی وزیر اعظم سے ملاقات بھی ہوئی۔
