اسلام آباد (مانیٹرنگ ڈیسک )ماہرین صحت کی تحقیق کے مطابق تربوز کے بیجوں کے قہوے کے فوائد سامنے آگئے ۔ ماہرین کے مطابق یہ سادہ نسخہ تیار کرنے کیلئے تربوز کے 20سے 30بیج لے کر انہیں پیس لیں اور پھر تقریباآٹھ کپ پانی میں یہ سفوف ڈال کر اسے 15منٹ تک ابال لیں ، لیں قہوہ اب تیار
ہو چکا ہے ۔اسے دو دن تک حسب ضرورت استعمال کریں ۔ تیسرے دن وفقہ کیجئے اور اس کے بعد پھر دو دن استعمال کیجئے۔ چند دن تک اس کا استعمال جاری رکھیئے، مگر ہردو دن بعد ایک دن کا وقفہ لازمی ہے۔تربوز میں وٹامن سی، پینٹو تھےنک ایسڈ ، کاپر ، بائیوٹین ، پوٹاشیم ، وٹامن اے ، وٹامن B-1، وٹامن B-6اور میگنیشم پایا جاتا ہے، اور یہ اجزاءاس کے بیجوں میں بھی پائے جاتے ہیں۔تربوز کے بیج فیٹی ایسڈ ز ، Essentialپروٹین ، میگنیشم ، پوٹاشیم ، میگنیزم ، آئرن ، زنک ، فاسفورس، تھایامین ، نیاسین اور فولیٹ جیسے اجزا سے بھی بھرپور ہوتے ہیں۔ تربوز کے بیجوں کا قہوہ مثانے اور گردے کے مریضوں کے لیے بہت فائدہ مند ہیں۔یہ دل کو طاقت دیتا ہے اور بلڈ پریشر کے مسائل کو کم کرتا ہے۔ ا س میں اینٹی آکسیڈنٹ پائے جاتے ہیںجو جلد کو ترو تازہ رکھتے ہیں اور رنگت کو نکھارنے میں مدد دیتا ہے ۔
