اسلام آباد (این این آئی)ایف آئی اے اسلام آباد زون نے کارروائی کرتے ہوئے بیوی کو آرمی کرنل ظاہر کر کے دو بینک اکاؤنٹس کے ذریعے سرکاری خزانے سے رقم وصول کرنے والا کنٹرولر ملٹری اکاؤنٹس CMAکا سابقہ آڈیٹر گرفتارکرلیا۔ ملزم سید مقصود حسین شاہ نے جعلی بلز پر 22 ملین روپے نکلوائے۔ملزم کیخلاف ایف آئی اے اینٹی کرپشن سرکل اسلام آباد کو درخواست کنٹرولر ملٹری اکاونٹس راولپنڈی کی جانب سے کی گئی۔ ملزم کا مجاز عدالت سے جسمانی ریمانڈ حاصل کر لیا گیا اور ملزم کی بیوی کی گرفتاری کیلئے ریڈ جا ری ہے۔ڈاریکٹر ایف آئی اے اسلام آباد زون کی جانب سے مقدمے کی تفتیش کو میرٹ پہ یکسو کرنے اور ملوث دیگر ملزمان کو گرفتار کرنے کی ہدایت جاری کی گئی۔