اسلام آباد ( آن لائن)شوکت ترین کی بطور وفاقی وزیر خزانہ مدت ختم ہوگئی ہے۔ اب وہ اہم کمیٹیوں کی سربراہی بھی نہیں کر سکیں گے۔آئین کے تحت وزیراعظم کسی بھی غیر منتخب شخص کو 6 ماہ کے لئے وفاقی وزیر بنا سکتے ہیں۔ شوکت ترین سے وفاقی وزیر کا عہدہ واپس وزیراعظم کے پاس چلا جائے گا۔پی ٹی آئی

کی حکومت نے اپریل2021 میں شوکت ترین کو وفاقی وزیرخزانہ بنایا تھا۔ حکومت انہیں مشیر خزانہ بنانا چاہتی ہے، لیکن اس کا نوٹیفکیشن بھی ابھی تک جاری نہیں ہوا۔اطلاعات ہیں کہ حکومت شوکت ترین کو کے پی سے سینیٹر منتخب کرانا چاہتی ہے۔ شوکت ترین کو سینیٹر منتخب کرانے کیلئے پی ٹی آئی کے کسی سینیٹر کا مستعفی ہونا ضروری ہے۔