ہفتہ‬‮ ، 05 اپریل‬‮ 2025 

حکومت مکمل طور پر فلاپ ہوگئی ، جماعت اسلامی نے مہنگائی کے طوفان اور حکومت کی ناقص پالیسیوں کے خلاف ملک گیر احتجاج کا اعلان کر دیا

datetime 16  اکتوبر‬‮  2021
ہمارا واٹس ایپ چینل جوائن کریں

لاہور( این این آئی)امیر جماعت اسلامی سراج الحق نے مہنگائی کے طوفان اور حکومت کی ناقص پالیسیوں کے خلاف ملک گیر احتجاج کا اعلان کردیا۔ پٹرولیم مصنوعات، بجلی، اشیائے خوردونوش اور ادویات کی قیمتوں میں ہوش ربا اضافہ کو مسترد کرتے ہیں۔ حکومت مکمل طور پر فلاپ ہوگئی۔ جماعت اسلامی اتوار سے ملک گیر احتجاج کا آغاز کر رہی ہے۔

قوم سے اپیل کرتا ہوں کہ وہ بھرپور طریقے سے جماعت اسلامی کے مظاہروں میں شرکت کرے۔ پورا ہفتہ ملک کے تمام بڑے چھوٹے شہروں میں مظاہرے اور ریلیاں ہوںگی۔ مزدوروں، کسانوں کو متحد کرکے احتجاج میں شامل کریں گے۔ مزدور تنظیموں، وکلاء، ٹرانسپورٹ تنظیموں سے رابطے کیے جائیں گے۔ ظلم کی انتہا ہوگئی، حکومت کے عوام دشمن اقدامات کی شدید مذمت کرتے ہیں۔ قوم کو ظلم اور انصافی کے خلاف ڈٹ جانا چاہیے۔ عوام کا مقدمہ ہر سطح پر لڑیں گے۔ میڈیا ظلم کے خلاف جماعت اسلامی کا ساتھ دے۔ کارکنان جماعت اسلامی عوام سے ہر سطح پر رابطے کریں۔ جلسوں اور ریلیوں میں لاکھوں افراد شریک ہوں گے۔ حکمران عوام کے مسائل حل نہیں کرسکتے تو گھر جائیں۔ ایک بیان میں سراج الحق نے کہا کہ پٹرول کا ایک لٹر138 روپے کا ہوگیا ہے، جبکہ دوسری جانب ایک غریب مزدور اتنی دہاڑی نہیں کما رہا۔ ڈیزل کی قیمت میں تیرہ روپے جبکہ مٹی کے تیل کی قیمت میں نوروپے فی لٹر اضافہ کردیا گیا۔ حکمرانوں کا ظلم عوام کے لیے ناقابلِ برداشت ہو گیا ہے۔بجلی کی قیمت ڈیڑھ روپے فی یونٹ بڑھا دی گئی۔ حکومت نے آئی ایم ایف کے حکم پر مکمل تابعداری دکھائی ہے۔ عملاً ملک پر آئی ایم ایف کی حکومت قائم ہو چکی ہے۔ قرضوں کے پہاڑ کے نیچے دب کر ملک کی معیشت کا ستیا ناس ہو گیا ہے۔ سوا تین سالوں میں حکمرانوں نے عوام کو کوئی ریلیف نہیں دیا۔

وزیراعظم کے مدینہ ریاست کے دعوے جھوٹ کا پلندہ ثابت ہوئے۔ حکمرانوں کی پالیسیاں عذاب سے کم نہیں۔ غریب، درمیانے طبقہ کی قوتِ خرید جواب دے گئی۔ گزشتہ تین برسوں میں ادویات کی قیمتیں 14بار بڑھیں۔ اشیائے خوردونوش کی قیمتوں میں تین سالوں میں سو سے تین سو فیصد اضافہ ہوا۔ کسان، مزدور، سرکاری ملازم سب

پریشان ہیں۔ ڈی اے پی کھاد کی بوری تین ہزار سے سات ہزار پر چلی گئی۔ زرعی ادویات، زرعی مشینری کی قیمتیں چھوٹے کسان کی پہنچ سے دور ہیں۔ وڈیروں اور مافیاز کا راج ہے۔ ملکی تاریخ میں مہنگائی اور بے روزگاری کے سبھی ریکارڈ ٹوٹ گئے۔ سراج الحق نے کہا ہے کہ حکمران اشرافیہ نااہل اور اپنے مفادات کی اسیر

ہے۔حکومت کو عوام کے دکھوں اور پریشانیوں کا رتی برابر ادراک نہیں۔قوم کو نااہل حکمرانوں سے نجات چاہیے۔ جماعت اسلامی مہنگائی اور بے روزگاری کے خلاف بھرپور تحریک جاری رکھے گی۔ حکمران اشرافیہ کو گھر بھیجیں گے، انھیں عوام پر ظلم کا جواب دہ ہونا پڑے گا۔ قوم کو اسلامی فلاحی پاکستان چاہیے۔ ملک پر مسلط طبقہ صرف عوام کا خون نچوڑ رہا ہے۔

غریبوں کے مسائل کی انہیں کوئی پرواہ نہیں۔ پاکستان کی منزل قرآن و سنت کا نظام ہے۔ صرف نظام مصطفیؐ ہی سے پاکستان کی مشکلات دور ہوسکتی ہیں۔ ہمیں کرپٹ سرمایہ دارانہ نظام، سودی معیشت اور اس کے محافظوں سے نجات چاہیے۔ جماعت اسلامی پرامن جمہوری جدوجہد سے ملک میں اسلامی انقلاب برپا کرے گی۔ قوم آزمائے ہوئے چہروں کو مسترد کردے اور ملک کو عظیم اسلامی فلاحی ریاست بنانے کے لیے جماعت اسلامی کا ساتھ دے۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…