کراچی (این این آئی) ملکی صرافہ مارکیٹ ایک با ر پھردس گرام سونے کی قیمت1لاکھ روپے سے تجاوز کر گئی۔جمعرات کوعالمی مارکیٹ میں 29ڈالر کے اضافے سے فی اونس سونا1800ڈالر ہو گیا جس کے باعث ملکی صرافہ مارکیٹوں میں سونا مہنگا ہو گیا۔آل پاکستان سپریم کونسل جیولرز ایسوسی ایشن کی رپورٹ کے مطابق جمعرات کو ملکی صرافہ مارکیٹوں میں 2300روپے کے ریکارڈ اضافے سے ایک تولہ سونے کی قیمت1لاکھ19ہزار روپے پر جا پہنچی جبکہ1972روپے کے اضافے سے دس گرام سونے کی قیمت1لاکھ2ہزار23روپے ہو گئی۔

موضوعات:سونے کی قیمت