خان پور(این این آئی)ایم اے کی یتیم اور بے سہارا طالبہ نوشین رشید نے وزیر اعظم عمران خان سے مخاطب ہوکرکہاکہ آپ فرماتے ہیں کہ ہمارا نظام تعلیم طبقاتی ہے جس پر میں آپکی شکرگزارہوں،اپنی رہائشگاہ پرصحافیوں سے گفتگو کرتے ہوئے طالبہ کامزید کہناتھاکہ ہمارے ملک میں انگلش میڈیم والوں کو سرکاری نوکریاں ملتی ہیں اور اردو میڈیم والے
غریب طبقہ بمشکل کوئی ملازمت ہاتھ آتی ہے جوکہ غریبوں کے ساتھ ظلم وناانصافی ہے،وزیر اعظم عمران خان اس نا انصافی پر مبنی میرٹ کو فی الفور ختم کرائیں لاکھوں غریب تعلیم یافتہ نوجوانوں اور انکے والدین بہن بھائیوں پر آپکا احسان عظیم ہوگا،طالبہ نے کہاکہ میں ایک یتیم،بے سہاراہوں،غیر مشروط ملازمت کیلئے وزیر اعظم کے حکم کے باوجود ڈی سی رحیم یارخان نے محکمہ تعلیم کے چندمقامی افسران کی طرف سے مجھے میرٹ پر پرپورانہ اترنے کا الزام عائد ہونے پرمجھے نوکری نہ دی جو نہ صرف ایک یتیم بے سہارا کوروزگاراور اسکے حق سے محروم رکھنے کے مترادف ہیبلکہ سب سے بڑی نا انصافی رحیم یارخان انتظامیہ نے وزیر اعظم کا حکم نہ مان کر انکے ساتھ کی ہے،طالبہ نے کہاکہ ضلعی حکومت اور محکمہ تعلیم کے مقامی افسران نے مجھ یتیم پر جو میرٹ کا قانون لاگو کررکھاہے وہ قرآن کریم کے قانون سے اسلئے متصادم ہے کہ 1973ء کے آئین میں لکھاہے کہ اسلامی جمہوریہ پاکستان میں
قرآن کریم کے قانون سے متصادم کوئی قانون نہیں بنایاجائے گااور یہ بات واضح طور پر آئین میں شامل ہے کہ قرآن کریم کے قانون سے جو قانون متصادم ہوگا وہ کالعدم تصور کیاجائیگا،انہوں نے کہاکہ اللہ تعالیٰ نے انسانوں کو طبقوں میں تقسیم کیاہے جن میں امیر،غریب اور غریب یتیم 3طبقات شامل ہیں،ہمارے ملک میں میرٹ بنانے کیلئے تینوں طبقوں کا
انگلش میں تحریر کردہ ایک ہی پیپر بنایاجارہاہے جو حدوداللہ کی سنگین ترین خلاف ورزی،سرکشی ونافرمانی ہے،طالبہ نے کہاکہ نا انصافی پر مبنی میرٹ کا قانون بنانے کی وجہ سے انگلش میڈیم والے امیر طبقہ کو سرکاری ملازمتیں مل جاتی ہیں اور اور اردو میڈیم والا طبقہ بھوک،افلاس سے تنگ آکر خودکشیاں کررہاہے۔طالبہ نے وزیر اعظم عمران خان
سے مطالبہ کیاکہ وہ میرٹ کی وجہ سے مجھ غریب یتیم اور بے سہارا سمیت اردو میڈیم والے تمام طبقہ کو خوکشیوں سے بچانے کیلئے ہمیں بغیر کسی میرٹ غیر مشروط ملازمتوں کی فراہمی کے احکامات جاری کریں اورآپکے یہی احکامات قرآن کریم اور ہمارے 1973کے آئین وقانون کی پاسداری کے متحمل ہونگے۔
