روم (این این آئی)اطالوی وزیراعظم کی سربراہی میں جی 20 رکن ملکوں کا افغان بحران پر خصوصی اجلاس ہوا۔ میڈیارپورٹس کے مطابق اجلاس کے بعد اطالوی وزیراعظم ماریو دراغی نے ویڈیو کانفرنس سے خطاب کرتے ہوئے کہا کہ جی 20 ملکوں کو افغانستان کی طالبان حکومت سے رابطے میں رہنے کی ضرورت ہے۔ اطالوی وزیراعظم کا
مزید کہنا تھا کہ رابطے میں رہنے کا یہ مطلب نہیں کہ کابل انتظامیہ کو باضابطہ تسلیم کیا جائے گا۔انھوں نے کہا کہ چین اور روسی صدور سمیت اہم رہنماں کی عدم موجودگی کے باوجود میٹنگ کامیاب رہی۔اطالوی وزیراعظم ماریو دراغی نے کہا کہ یہ افغان بحران کا پہلا کثیرالجہتی ردعمل تھا۔ مشکل یہ ہے کہ طالبان کو شامل کیے بغیر افغانستان میں لوگوں کی مدد کیسے کی جاسکتی ہے۔
