کراچی (این این آئی)سندھ کے سابق صوبائی وزیر سہیل انور سیال کے گھر چوری کرنے والے ملزم کو گرفتار کر لیا گیا۔تفتیشی ذرائع کے مطابق ملزم سیکیورٹی اہلکاروں کی موجودگی کے باوجود گھر میں داخل ہوا، باتھ روم میں 6 گھنٹے تک موجود رہا۔ذرائع کے مطابق ملزم نے دو رائفلیں بیگ میں چھپا کر

چھت سے پھینکی، بیگ درختوں میں اٹک کر پڑوس کے گھر میں جاگرا، ملزم پڑوس کے گھر سے بیگ لے کر فرار ہوگیا، تاہم رائفلیں بیچنے کے دوران پکڑا گیا۔تفتیشی ذرائع نے بتایاکہ ملزم کی نشاندہی پر اس کے کزن کو بھی گرفتار کرلیا گیا ہے۔واضح رہے کہ واردات کئی روز قبل ہوئی تھی جب سہیل انور سیال ملک سے باہر تھے۔