کہروڑ پکا (این این آئی)پاکستان تحریک انصاف کے ناراض رہنما جہانگیر خان ترین نے حکومت پر تنقید کرتے ہوئے کہاہے کہ حکومت مہنگائی کنٹرول نہیں کرسکی اس سے عوام کو بہت تکلیف ہے۔میڈیا سے گفتگو میں جہانگیر ترین نے کہاکہ احمد محمود میرے برادر نسبتی ہیں، ان کے ساتھ ملاقات یا سفر کوئی مسئلہ نہیں۔مہنگائی پر حکومت کو تنقید کا نشانہ بناتے ہوئے جہانگیر ترین نے کہاکہ حکومت مہنگائی کنٹرول نہیں کرسکی اس سے

عوام کو بہت تکلیف ہے۔انہوںنے کہاکہ حکومت کو سارے کام چھوڑ کر مہنگائی کنٹرول کرنے کی کوشش کرنی چاہیے، مہنگائی سپلائی اور ڈیمانڈ سے کنٹرول ہوتی ہے، بروقت برآمدات کے اہم فیصلے ہوجاتے تو چینی اور گندم سمیت دیگر مسائل نہ ہوتے۔جہانگیر ترین نے کہاکہ کوشش ہے لودھراں میں ترقیاتی کام ہوں، فنڈز پنجاب حکومت نے دینے ہیں۔انہوں نے کہا کہ پاکستان تحریک انصاف میری جماعت ہے ہم سب تحریک انصاف میں ہیں۔