اسلام آباد (این این آئی)وفاقی دارالحکومت اسلام آباد کی فیصل مسجد میں سکیورٹی ہائی الرٹ کر دی گئی ۔ محسن پاکستان اور معروف سائنسدانڈاکٹر عبد القدیر خان کی نماز جنازہ کے سلسلے میں انتظامیہ کی جانب سے فیصل مسجد کو خالی کرایا گیااور فیصل مسجد کی سیکیورٹی ہائی الرٹ کر دی
گئی،پولیس کی بھاری نفری تعینات رہی ۔دوسری جانب وزیر داخلہ شیخ رشید نے ڈاکٹر عبد القدیر کی نماز جنازہ سے قبل جنازہ گاہ کا دورہ کر کے سکیورٹی کو انتظامات سنبھالنے کی ہدایت کی ۔ اتوار کو وفاقی وزیر داخلہ شیخ رشید فیصل مسجد پہنچے اور جنازہ گاہ کی سکیورٹی کاجائزہ لیااور اس موقع پر شیخ رشید احمد نے سکیورٹی کو جنازہ گاہ کے انتظامات سنبھالنے کی ہدایت کی ۔ وزیر داخلہ نے ڈاکٹر عبدالقدیر خان کی جائے قبر کا جائزہ لیا اور سی ڈی اے اور انتظامیہ کو ضروری ہدایات بھی دیں ۔دریں اثنا وزیر خارجہ مخدوم شاہ محمود قریشی نے معروف سائنسدان ڈاکٹر عبدالقدیر خان کے انتقال پر گہرے دکھ اور افسوس کا اظہار کیا ہے ۔ اپنے بیان میں شاہ محمود قریشی نے کہاکہ ڈاکٹر عبدالقدیر خان ایک عظیم انسان اور محب وطن پاکستانی تھے، ،ان کی خدمات کو تادیر یاد رکھا جائے گا۔وزیر خارجہ نے مرحوم ڈاکٹر عبدالقدیر خان کے اہل خانہ کے ساتھ دلی اظہار تعزیت کیا او رکہاکہ اللہ پاک مرحوم کو جنت الفردوس میں اعلیٰ مقام عطا فرمائے۔ آمین۔