اسلام آباد(این این آئی)گلگت بلتستان کی کرکٹ ٹیم کو پی ایس ایل میں شامل کرانے کیلئے چیف جسٹس گلزار احمد کو خط لکھ دیا گیا،خط گلگت بلتستان کے شہری رشید عالم فاروقی
اور پی ٹی آئی رہنماء مطلوب حکیم کی طرف سے مشترکہ طور پر لکھا گیاجس میں چیف جسٹس سے معاملہ پر از خود نوٹس لینے کا مطالبہ کیا گیا ۔ خط میں کہاگیاکہ گلگت بلتستان مارخورز کرکٹ ٹیم کو پاکستان سپر لیگ میں شامل کیا جائے، خط میں کہاگیاکہ گلگت بلتستان کی عوام نے ہمیشہ کم سہولیات کے باوجود پاکستان کا نام روشن کیا،گلگت بلتستان کی ٹیم پی ایس ایل میں شامل کیوں نہیں، ملک کے دیگر علاقوں کی طرح گلگت بلتستان کے نوجوانوں میں ٹیلنٹ کی کمی نہیں، گلگت بلتستان کے عوام کو پی ایس ایل سے محروم رکھنا ناانصافی ہے، خط میں کہاگیاکہ عدالت پاکستان کرکٹ بورڈ کو گلگت بلتستان کرکٹ ٹیم کو پی ایس ایل میں شامل کرنے کے احکامات دے۔
