لاہور(این این آئی) مسلم لیگ (ن) کے صدر شہباز شریف اور جے یو آئی (ف)کے سربراہ مولانا فضل الرحمان کے سکیورٹی گارڈ آپس میں الجھ پڑے۔نجی ٹی وی کے
مطابق شہباز شریف کی عیادت کے لیے مولانا فضل الرحمان لاہور میں ان کی رہائش گاہ پہنچے تو گھر کے باہر تعینات سکیورٹی گارڈز نے فضل الرحمان کی سکیورٹی کو اندر جانے سے روک دیا جس پر فضل الرحمان کے سکیورٹی گارڈز سڑک پر کھڑے رہے۔شہبازشریف کے سکیورٹی گارڈز کا کہنا تھا کہ انہیں مولانا فضل الرحمان کے گارڈز کو اندر بھیجنے کی ہدایت نہیں ملی، اس لئے انہیں نہیں بھیجا جاسکتا، گھر کے اندر نہ جانے کی اجازت پر مولانا فضل الرحمان کے گارڈز نے افسوس کا اظہار کیا، انہوں نے شہباز شریف کے گارڈز سے کہا کہ اگر کبھی آپ مولانا فضل الرحمان کے مہمان بنے تو ہم بھی آپ کے ساتھ ایسا ہی سلوک کریں گے۔
