اسلام آباد(آن لائن)سابق ڈی جی آئی ایس آئی لیفٹیننٹ جنرل فیض حمید نے وزیراعظم عمران خان سے ملاقات کی۔ ملاقات میں کور کمانڈر پشاور لیفٹیننٹ جنرل فیض حمید نے وزیراعظم کو سیکیورٹی صورتحال پر بریفنگ دی۔ وزیراعظم نے بطور ڈی جی آئی ایس آئی لیفٹیننٹ جنرل فیض حمید کی خدمات کو سراہا اور تعریف کی۔ وزیراعظم عمران خان نے نئی ذمہ داریوں کے حوالے سے نیک خواہشات کا اظہار بھی کیا۔ ملاقات میں افغانستان کی موجودہ سیکیورٹی صورتحال پر بھی تفصیلی تبادلہ خیال کیا گیا فیض حمید نے وزیراعظم اور ان کی حکومت کے تعاون کا شکریہ ادا کیا۔