کراچی(این این آئی) کینیا نے پاکستانی ٹرانزٹ مسافروں کے داخلے پر بنا ویزا کے پابندی عائد کردی ، داخلے کے لئے 14روزہ قرنطینہ کی وجہ سے ویزا کی شرط عائد کی گئی ہے۔تفصیلات کے مطابق کورونا وبا کی روک تھام کیلئے کینیا حکومت نے فیصلہ کرتے ہوئے پاکستان کے
ساتھ ویزا فری ٹرانزٹ بند کردیا، کینیا نے پاکستانی ٹرانزٹ مسافروں کے داخلے پر بنا ویزا کے پابندی عائد کردی۔کینیا نے پیشگی ویزا نہ رکھنے والے پاکستانی مسافروں کو ڈی پورٹ کردیا جائے گا، داخلے کے لئے 14روزہ قرنطینہ کی وجہ سے ویزا کی شرط عائدکی گئی ہے۔دوسری جانب کینیا کی وزارت داخلہ نے غیر قانونی پاکستانی تارکین وطن کے خلاف کریک ڈان شروع کرتے ہوئے کہا ہے کہ ایشیا سے تعلق رکھنے والے غیر ملکیوں کی آمد ہوئی ہے جو پہلے افغان مہاجرین تھے۔داخلہ کے پرنسپل سکریٹری نے پولیس کو ہدایت کی ہے کہ وہ امیگریشن سروسز کے ساتھ مل کر غیر قانونی طور غیر ملکیوں کی آمد کو کنٹرول کرے۔
