کراچی (این این آئی)پٹرول اور گیس کی قیمتوں میں اضافے کے بعد سونے کی فی تولہ قیمت میں بھی اضافہ ہو گیا ہے، عالمی مارکیٹ میں 31ڈالر کے اضافے سے فی اونس سونا1754ڈالر ہو گیا جس کے بعد ملکی صرافہ مارکیٹوں میں بھی سونے کی قیمت میں اضافے کا رجحان دیکھا گیا۔آل پاکستان سپریم کونسل جیولرز ایسوسی ایشن کی رپورٹ کے مطابق جمعہ کو ملکی صرافہ مارکیٹوں میں 600روپے کے اضافے سے ایک تولہ سونے کی قیمت1لاکھ14ہزار100روپے اور دس گرام سونے کی قیمت514روپے کے اضافے سے97ہزار822روپے ہو گئی۔

موضوعات:سونے کی قیمت