اسلام آباد (این این آئی)وزارت قانون نے مجوزہ صدارتی آرڈیننس کے ذریعے چیئرمین نیب کو توسیع دینیکامسودہ تیار کرلیا ۔ذرائع کے مطابق وزارت قانون نے
مجوزہ صدارتی آرڈیننس کے ذریعے چیئرمین نیب کو توسیع دینیکامسودہ تیار کرلیا ہے جس کا متن وزیراعظم کی منظوری کے بعد صدر مملکت کوپیش کیا جائے گا۔ نجی ٹی وی نے ذرائع کے حوالے سے بتایاکہ مجوزہ آرڈیننس کے تحت جاویداقبال نئے چیئرمین نیب کی تعیناتی تک کام کرتے رہیں گے۔ذرائع کے مطابق نیب آرڈیننس 1999 کی شق6 کے تحت چیئرمین نیب کی مدت کو توسیع نہیں دی جاسکتی۔واضح رہے کہ حکومت نے چیئرمین نیب کی تعیناتی پر اپوزیشن لیڈر شہباز شریف سے مشاورت نہ کرنے کا فیصلہ کیا ہے، اس سلسلے میں فواد چوہدری کا کہنا تھا کہ شہباز شریف سے اگلے چیئرمین نیب کے بارے میں پوچھنے کا مطلب ہے کہ ملزم سے پوچھیں کہ اس کی تفتیش کون کرے گا۔
