اسلام آباد(این این آئی)بھارتی کرکٹ ٹیم کے کھلاڑی روہت شرما کے ہم شکل کی ایک تصویر سوشل میڈیا پر وائرل ہوگئی ۔شیراز حسن نامی ٹوئٹر صارف کی جانب سے اپنے ٹوئٹر اکاؤنٹ پر ایک شخص کی تصویر شیئر کی گئی جس میں بتایا گیا کہ مذکورہ تصویر راولپنڈی کے علاقے صدر میں لی گئی ہے۔شیراز حسن نے اپنی ٹوئٹ میں لکھا کہ کس نے کہا پاکستان غیر ملکی کھلاڑیوں کیلئے محفوظ نہیں ؟ ابھی بھارتی کرکٹر روہت شرما کو املی آلو بخارے کے شربت سے
لطف اندوز ہوتے دیکھا ہے تاہم یہ تصویر ٹوئٹر سمیت فیس بک اور انسٹاگرام پر بھی خوب وائرل ہوئی یہاں تک کہ بھارتی میڈیا نے بھی اس تصویر کو شیئر کیا اور اس شخص کو روہت شرما کا ہمشکل قرار دیا۔سوشل میڈیا صارفین کے حوالے سے بات کی جائے تو بھارتی مداح اس موازنے پر کچھ خاص خوش دکھائی نہیں دیے تاہم پاکستانیوں نے اس شخص کو کافی حد تک روہت شرما کا ہم شکل کہا۔
