بہاولنگر(این این آئی)وردی بدلی حکومت بدلی آئی جی بدلے لیکن پولیس کے رویے تبدیل نہ ہوئے،پولیس چادر چادیواری کا تقدس پامال کرتے ہوئے شہری کے گھر داخل ہوگئی ،گھر کے دروازے توڑ کر پولیس کے شیرجوانوں نے حافظ جاوید کو گرفتار کرلیا۔ پولیس نے کاروائی ڈی ایس پی ارشد لطیف کی سربراہی میں کی۔ ویڈیو بنانے پر ڈی ایس پی کی صحافیوں اور شہریوں سے تلخی۔ حافظ جاوید نے مبینہ طور پر اپنے بچوں کو پولیو قطرے پلانے سے انکار کیا تھا ۔ محکمہ صحت کے مطابق بچوں کو پولیو ویکسین پلانے سے انکار کے ساتھ پولیو ٹیم پر حافظ جاوید نے تشدد بھی کیا۔ پولیس ترجمان کے مطابق پولیو ٹیم اور محکمہ صحت کی رپورٹ پر پولیس کاروائی کی گئی۔