لاہور( این این آئی)سیشن عدالت کے باہر سے ہینڈگرینیڈ برآمد کر کے ناکارہ بنا دیاگیا ۔تفصیلات کے مطابق سیشن عدالت کے باہر سے ہینڈ گرینیڈ برآمد ہوا ہے جو ایک موٹر سائیکل میں چھپایا گیا تھا۔اطلاع ملتے ہی بم ڈسپوزل سکواڈ موقع پر پہنچ گئی جس نے ہینڈ گرینیڈ کو ناکارہ بنا دیا ۔ہینڈ گرینیڈ ملنے کے بعدپولیس کی مزید نفری
موقع پر پہنچ گئی اور سیشن عدالت کے اطراف کے علاقہ کو گھیرے میں لے لیا گیا۔ پولیس کے اعلیٰ افسران نے بھی ہینڈ گرینیڈ ملنے والی جگہ کا دورہ کیا ۔ سیشن کورٹ کے اطراف میں سراغ رساں کتوں سے بھی چیکنگ کی گئی ۔ پولیس کے مطابق سیف سٹی اور اطراف میں لگے کیمروں سے تحقیقات جاری ہیں۔
