لاہور(این این آئی)صوبائی دارالحکومت لاہور سمیت پنجاب بھر میں افغانیوں کی چانج پڑتال کا فیصلہ کر لیا گیا۔پنجاب حکومت کی جانب سے خطے کی صورتحال کو مدنظر رکھتے ہوئے فیصلہ کیا گیا کہ افغانیوں کی چیکنگ اور میپنگ کے لیے سی ٹی ڈی، پولیس اور ریونیو ڈیپارٹمنٹ کی مشترکہ ٹیمیں تشکیل دی جائیں گی، مشترکہ ٹیمیں افغانیوں کی جانچ پڑتال نادرا کے ساتھ مل کر کریں گی اسی حوالے سے لاہور پولیس نے ٹیمیں تشکیل دیدی ہیں۔ڈی آئی جی ساجد کیانی کے مطابق ایس ایس پی آپریشنز ندیم عباس کی سربراہی میں افغانیوں کی چیکنگ کی جائے گی اور افغانیوں کا ڈیٹا چیکنگ کے بعد نادرا اور دیگر اداروں کو بھجوایا جائے گا۔