لاہور (آن لائن) پاکستان مسلم لیگ (ن) کی مرکزی نائب صدر مریم نواز نے کہا ہے کہ انکے بیٹے جنید کا 22اگست کو لندن میں نکاح ہوگا تاہم وہ اس حکومت سے بیرون ملک سفر کے لئے اجازت نہیں مانگیں گی۔سماجی رابطوں کی ویب سائٹ ٹوئٹر پراپنے پیغام میں مریم نواز نے کہا کہ میرے بیٹے جنید کا نکاح 22اگست کو عائشہ سیف الرحمان خان کے ساتھ لندن میں ہورہا ہے۔بدقسمتی سے صریحاً نشانہ بنائے جانے،بوگس مقدمات اور ای سی ایل پر نام ہونے کی وجہ سے وہ تقریب میں شریک نہیں ہوسکیں گی۔ مریم نواز نے کہا کہ جب میر ی والد ہ کا انتقال ہوا تو میں جیل میں تھی اور اب اپنے بیٹے کی خوشیوں میں شریک نہیں ہوپاؤں گی لیکن میں اس حکومت سے بیرون ملک سفر کیلئے کسی قسم کی درخواست نہیں کرونگی۔میں نے معاملہ اللہ پر چھوڑ دیا ہے۔

موضوعات:مریم نواز