اسلام آباد (مانیٹرنگ ڈیسک /این این آئی)مسلم لیگ ن کے قائد میاں نواز شریف اور مریم نواز کے مابین ٹیلفونک رابطہ ، مریم نواز بیٹے کی شادی میں شرکت کیلئے لندن جانے کی عدالت سے اجازت مانگیں گی ۔ ذرائع کے مطابق پاکستان مسلم لیگ ن کی نائب صدر مریم نواز شریف 22اگست کو بیٹے جنید کی شادی کی تقریب میں شرکت کیلئے جانا چاہتی ہیں ، اس کے لیے وہ عدالت سے دو ہفتوں کے لیے اجازت کے لیے رجوع کریں گی تاکہ وہ اپنے بیٹے کی شادی میں شرکت کریں ۔ذرائع کے مطابق اس حوالے سے میاں نواز شریف اور مریم نواز کے درمیان ٹیلفونک رابطہ ہوا ہے جس میں مریم نوا زکے شادی سے متعلق بات چیت ہوئی ہے ۔ واضح رہے کہ سابق وزیر اعظم نواز شریف کے نواسے اور مریم صفدر کے صاحبزادے جنید صفدر کا نکاح22اگست کو لندن میں ہوگا۔ نجی ٹی وی کے مطابق جنید صفدر کا نکاح عائشہ سیف سے ہوگا۔ جنید صفدر کے نکاح کی تیاریاں شروع کر دی گئی ہیں۔ نجی ٹی وی کے مطابق شادی کی تقریب کے دعوت نامے بھی مہمانوں کو ارسال کر دیے گئے ہیں۔