لاہور( این این آئی) مسلم لیگ (ن) کے صدرشہباز شریف نے اپنے بڑ ے بھائی اورپارٹی قائد نواز شریف سے رابطہ کرکے پاکستان ڈیمو کریٹک موومنٹ کے بدھ کے روز ہونے والے اجلاس سے متعلق مشاورت اور رہنمائی حاصل کی ہے ۔نجی ٹی وی نے ذرائع کے حوالے سے کہا ہے کہ شہبازشریف نے پی ڈی ایم اجلاس کے سلسلے میں پارٹی قائد نواز شریف کو ٹیلیفون کرکے مشاورت کی۔ ذرائع کے مطابق دونوں رہنمائوںنے حکومت مخالف تحریک تیزکرنے اورپی ڈی ایم کو متحرک کرنے پر اتفاق کیا۔ذرائع کا کہنا ہے کہ نواز شریف نے شہبازشریف کوپارٹی سطح پربھی لیگی رہنمائوں کو متحرک کرنے کی ہدایت دی ہے۔ ذرائع نے بتایا ہے کہ شہباز شریف پی ڈی ایم اجلاس سے قبل پارٹی رہنمائوں کااجلاس بھی بلائیں گے۔پاکستان ڈیمو کریٹک موومنٹ کا سربراہی اجلاس آج( بدھ) اسلام آباد میں ہوگا۔