اسلام آباد (آن لائن)تحریک انصاف کے رکن قومی اسمبلی صداقت عباسی کا سسر قبضہ مافیا کا سرغنہ نکلا،امریکہ میں مقیم پاکستانی خاتون کے مری کے گھر پر قبضہ کرلیا،
ڈپٹی کمشنر راولپنڈی نے گھر پر قبضہ واگزار کراکے ملزم راجہ حنیف کے خلاف مقدمہ درج کرلیا۔تفصیلات کے مطابق وزیر اعظم عمران خان کے نوٹس پر امریکہ میں مقیم پاکستانی نژاد حاجرہ احسان کے مری میں گھر پر قبضہ واگزار کرا لیا گیا ہے۔ گھر پر قبضے میں تحریک انصاف کے رکن قومی اسمبلی صداقت عباسی کے سسر راجہ حنیف ملوث نکلے۔ خاتون کا گھر راجہ حنیف کے زیر تعمیر ہوٹل کے پاس تھا۔ راجہ حنیف کی جانب سے گھر پر قبضہ کرکے اسے گرایا گیا۔ خاتون دربدر کی ٹھوکریں کھاتی رہیں پھر وزیراعظم پورٹل پر شکایت کی۔ وزیراعظم پورٹل نے معاملہ کمشنر راولپنڈی کو بھجوایا۔ تحقیقات کے بعد خاتون کا قبضہ واگزار کروا دیا گیا جبکہ رکن قومی اسمبلی صداقت عباسی کے سسر راجہ حنیف اور اس کے بیٹے کے خلاف مقدمہ درج کرلیا۔
