لاہور(این این آئی)صوبائی وزیر قانون راجہ بشارت نے کہا ہے کہ ہم نے عوام کو مطمئن کرنا ہے،بیوروکریسی آنکھیں دکھاتی ہے یا نہیں یہ سپیکر صاحب کی اپنی رائے ہے۔ میڈیا سے گفتگو کرتے ہوئے راجہ بشارت نے کہا کہ پنجاب میں کہیںبھی اختیارات سے تجاوز نہیں کیا جارہا ،تین سال میںجتنا ریلیف اپوزیشن کو موجودہ حکومت نے دیا شاید ہی کسی نے دیا ہو۔حکومت ہر آنے والے دن میں مضبوط ہورہی ہے، ہماری کارکردگی بہتر ہے اور اس کی واضح مثال سیالکوٹ میں ہماری جیت ہے۔ انہوںنے کہا کہ اسپیکر صاحب کی اپنی رائے ہے اور اس کا احترام کرتے ہیں۔