راولپنڈی (آن لائن)میجر جنرل غلام شبیر ناریجو نے ڈائریکٹر جنرل اینٹی نارکوٹکس فورس کا چارج سنبھال لیا اس ضمن میں کمان تبدیلی کی باقاعدہ تقریب اے این ایف ہیڈکوارٹرمیں
منعقد کی گئی جس میں سابق ڈی جی اے این ایف ، نئے ڈی جی اے این ایف ، اے این ایف کے علاقائی کمانڈروں اور دیگر افسران و اہلکاران نے شرکت کی تقریب کے دوران نئے ڈی جی اے این ایف میجر جنرل غلام شبیر ناریجو نے اے این ایف کا اعزازی جھنڈا سابق ڈی جی اے این ایف میجر جنرل محمد عارف ملک کو پیش کیاشرکاء سے خطاب کرتے ہوئے سابق ڈی جی اے این ایف نے اُن کی سربراہی میں محکمے کو حاصل ہونے والی کامیابیوں کا مختصر احاطہ کیا انہوں نے فورس کے سربراہ کی حیثیت سے معاشرے سے منشیات کی لعنت کے خاتمے کے مشن سے متعلق اپنے تجربات سے آگاہ کیا انہوں نے کہاکہ یہ میرے لئے اعزاز ہے کہ میں نے اپنی صلاحیتوں کے مطابق بہتر انداز میںملک کی خدمت کرنے کی کوشش کی انہوں نے محکمے کے لئے ہمیشہ دعا گو رہنے کا اظہار کیا انہوں نے توقع ظاہر کی کہ نئے ڈی جی میجر جنرل غلام شبیر ناریجو کی کمان میں محکمہ مزید ترقی کرے گا جو محکمے کی کارکردگی کو بہتر بنانے اور منشیات کے خاتمے کے مقدس فریضے کے ارادے سے فورس میں شامل ہوئے ہیں
