لاہور(مانیٹرنگ ڈیسک) معروف ماڈل و اداکارہ علیزے گبول نے رواں سال فروری میںچپکے سے دوسری شادی کر لی تھی جبکہ اپنے شوہر کی شناخت ظاہر نہ کرنے کیلئے انہوں نے اپنا انسٹا گرام اکائونٹ پرائیوٹ کر دیا تھا ۔ انہوں انسٹاگرام پر اپنے مداحوں کو بتایا تھا کہ

ان کی دوسری زندگی کا آغاز ہو گیا ہے۔انہوں نے ایک تصویر بھی شیئر کی تھی جس میں ان کا دولہا انہیں انگوٹھی پہنا رہا ہوتا ہے تاہم تصویر میں دولہا کے صرف ہاتھ نظر آ رہے تھے۔ اب تک علیزے کی طرف سے یہ نہیں بتایا گیا کہ ان کی دوسری شادی کس شخص کے ساتھ ہوئی ہے تاہم اب متعدد شوبز ویب سائٹس کی طرف سے مبینہ دعویٰ کیا جا رہا ہے کہ علیزے گبول نے دوسری شادی ملک ریاض کے بھتیجے کے ساتھ کی ہے، جس کا نام زوریز ملک ہے۔ اس مبینہ دعوے کی ابتداءخود علیزے گبول کے انسٹاگرام پر لائیو سیشن کے دوران ہوئی جب ایک خاتون نے اس لائیو سیشن میں دعویٰ کر دیا کہ اداکارہ نے ایک ارب پتی شخص کے ساتھ شادی کی ہے جو ان سے کم عمر بھی ہے۔ رپورٹس میں بتایا جا رہا ہے کہ علیزے کا دوسرا شوہر پہلے سے شادی شدہ اور ایک بچے کا باپ ہےاور وہ عمر میں بھی اداکارہ سے 10سال چھوٹا ہے۔