راولپنڈی(این این آئی)چونترہ میں زیادتی کے بعد ماں اور بچے کو قتل کرنے کی اصل وجہ سامنے آگئی ، ملزم واجد علی مقتولہ نسیم بی بی سے شادی کرنا چاہتا تھا۔
پولیس ذرائع کے مطابق چونترہ میں زیادتی کے بعد ماں اور بچے کو قتل کرنے کی اصل وجہ سامنے آگئی ہے ، ملزم واجد علی مقتولہ نسیم بی بی سے شادی کرنا چاہتاتھا۔ پولیس کے مطابق شادی اور بچے کو باپ کے حوالے کرنے سے انکار پر ملزم نے دونوں کو قتل کیا،ملزم نے نسیم بی بی سے پہلے دوستی کی اور قیمتی موبائیل بھی تحفہ میں دیا تھا،مقتولہ نے موبائل آگے کسی اور کو تحفہ میں دے دیا تھا۔ پولیس کے مطابق ملزم نے نسیم بی بی کو 14 ماہ کا بچہ باپ کے حوالے کرنے کو کہا تھا ۔پولیس کے مطابق ملزم نسیم بی بی کو عامل سے ملانے کا جھانسہ دے کر مہوٹہ موہڑہ جنگل لے کر گیا تھا جہاں اس نے نسیم بی بی سے زیادتی کی اور ماں اور بیٹے کو قتل کردیا ۔
