اسلام آباد (این این آئی)پاکستان پیپلز پارٹی کی رکن قومی اسمبلی ڈاکٹر مہرین بھٹو نے بڑھتی مہنگائی پر ردعمل کا اظہار کرتے ہوئے کہا ہے کہ ادارہ شماریات نے مہنگائی کے حوالے سے خطرے کی گھنٹی بجا دی ہے۔انہوں نے کہا کہ ادارہ شماریات کے مطابق مہنگائی کی شرح 12.20 فیصد ہے،اندھی،بہری تبائی سرکار کو عوام کی کوئی فکر نہیں ہے۔انہوں نے کہاکہ مہنگائی ،غربت، بیروزگاری نے عوام کا جینا محال کر رکھا ہے ، آٹا ،دالیں،گھی چینی دن بدن عوام کی پہنچ سے دور ہو چکی ہیں۔انہوں نے کہاکہ نااہل تباہی سرکار کے عوام کو ریلیف کے وعدے دھرے کے دھرے رہ گئے ہیں۔انہوں نے کہاکہ تباہی سرکار کی تبدیلی کا شکار عوام حکومت سے نجات چاہتے ہیں۔