سرگودھا(این این آئی)دریائے چناب پر تفریح کے لئے دریا کی سیر کے دوران کشتی پل سے ٹکرا کر الٹ جانے سے دو گھرانوں کے آٹھ افراد ڈوب گئے‘ 18 سالہ دوشیزہ کی نعش نکال کر ورثاء کے سپرد کر کے پولیس نے ملاح کے خلاف مقدمہ درج کر کے تفتیش شروع کر دی
جبکہ دیگر سات افراد کی تلاش کے لئے غوطہ خوروں نے ریسکیو آپریشن تیز کر دیا۔زرائع کے مطابق سرگودھا فیصل آباد روڈ کے دریائے چناب پر تفریحی کے لئے گئے ہوئے دو گھرانوں کی خواتین اور بچوں سمیت 12 افراد ملاح اسلم کے ساتھ کشتی میں سوار دریا کی سیر کر رہے تھے کہ کلری روڈ پل سے ٹکرا کر کشتی الٹ گئی اور ملاح سمیت تمام افراد ڈوب گے۔ جس کی اطلاع پر ریسکیو 1122 کی ٹیمیوں نے ریسکیو آپریشن شروع کرتے ہوئے 5افراد 40 سالہ ملاح اسلم سکنہ ٹاہلی منگینی،12 سالہ شاہد سکنہ بھیاں والا لالیاں،14 سالہ محمد خان سکنہ بھیاں والا لالیاں،22 سالہ ثمر عباس سکنہ سبزی منڈی چنیوٹ،12 سالہ اوزیفہ ریاض سکنہ ولہ ونوکا لالیاں کو ڑندہ بچا کر باہر نکال لیا جبکہ دونوں گھرانوں کی خواتین اور بچوں سمیت 8 افراد 6 سالہ زین عباس سکنہ ولہ ونوکا لالیاں، 6سالہ علی حسن سکنہ کلوکا بھوآنہ،8 سالہ رافیہ ریاض سکنہ ولہ ونوکا لالیاں ،18 سالہ مظہر ریاض سکنہ ولہ ونوکا لالیاں ،30 سالہ سرفراز سکنہ کلوکا بھوآنہ، 18 سالہ آمنہ بشیر سکنہ بھیاں والا لالیاں،40 سالہ کنیزریاض سکنہ ولہ ونوکا لالیاں،18 سالہ رابعہ ثمرسکنہ سبزی منڈی چنیوٹ ڈوب گے جن کی تلاش میں ریسکیو آپریشن میں اٹھارہ سالہ آ منہ بی بی کی نعش برآمد کر کے نکال کر ضروری کاروائی کے بعد ورثاء� کے سپرد کر دی اور پولیس وقوعہ کا مقدمہ ملاح اسلم کے خلاف درج کر کے مصروف تفتیش ہے۔جبکہ دیگر سات ڈوبے افراد کی تلاش میں غوطہ خوروں نے ریسکیو آپریشن تیز کر رکھا ہے۔جائے وقوعہ سے پتہ چلا ہے کہ پولیس نے دریا پر کشتیاں بند کروا رکھی تھیں لیکن ایک ملاح نے کشتی پر سیر کروانے کا عمل جاری رکھا۔
