لاہور(این این آئی) پاکستان مسلم لیگ (ن)نے آزاد کشمیر قانون ساز اسمبلی کے انتخابات میں ووٹ کاسٹ کرنے سے روکنے اور پولنگ اسٹیشن میں داخل ہونے سے
روکنے کیخلاف آر او کے دفتر میں درخواستیں جمع کرا دیں جبکہ لیگی کارکنوں نے خواجہ عمران نذیر اور میاں مرغوب کی قیادت میں احتجاج بھی کیا۔ شیرانوالہ گیٹ اور شاد باغ کے پولنگ اسٹیشنز کے پولنگ ایجنٹس کی جانب سے جمع کرائی گئی درخواستوں میں کہا گیا ہے کہ شیرانوالہ گیٹ پولنگ اسٹیشن میں اندر نہیں جانے دیا گیا،پریذائیڈنگ افسر نے ہمارے پہنچنے سے پہلے ہی بیلٹ پیپر کے لفافے ڈی سیل کر دیئے۔ درخواستوں میں مزید کہا گیا کہ سی جی ڈی ایل سکول شاد باغ پولنگ اسٹیشن پر ہمارے ووٹر زکو ووٹ کاسٹ کرنے سے روکا گیا۔ کارکنوں نے خواجہ عمران نذیر اور میاں مرغوب احمد کی قیادت میں احتجاج بھی کیا۔
