کراچی (این این آئی)وزیراعظم عمران خان عیدالاضحی نتھیا گلی میں منائیں گے، گورنرسندھ عمران اسماعیل عید الاضحی کی نماز کراچی میں جبکہ وزیراعلی سندھ مراد علی شاہ عیدالاضحی کی نماز سیہون شریف میں ادا کریں گے۔سابق صدر آصف زرداری عید الاضحی کی
نماز بلاول ہاؤس میں ادا کریں گے۔جے یو آئی سربراہ مولانا فضل الرحمان اور دیگر قائدین عید الاضحی اپنے آبائی علاقوں میں منائیں گے۔ ترجمان جے یو آئی اسلم غوری کے مطابق جے یو آئی سربراہ مولانا فضل الرحمان عبد الخیل ڈی آئی خان میں عید منائیں گے،مولانا فضل الرحمان نماز عید کے اجتماع سے خطاب اور امامت کروائیں گے۔اسلم غوری کے مطابق مرکزی سیکریٹری جنرل سنیٹر مولانا عبد الغفور حیدری قلات میں،مرکزی ڈپٹی سیکریٹری جنرل اکرم خان درانی بنوں،سنیٹر مولانا عطاء الرحمان ڈی آئی خان میں عید منائیں گے۔اسلم غوری کے مطابق مرکزی ترجمان اسلم غوری کراچی، مولانا راشد سومرو لاڑکانہ اور سائیں عبد القیوم ہالیجوی سکھر میں عید منائیں گے۔اسلم غوری کے مطابق مولانا امجد خان لاہور،ڈاکٹر عتیق الرحمان راولپنڈی، مولانا ابو الفتح محمد یوسف رحیم یار خان میں عید منائیں گے۔ترجمان جے یو آئی نے کہاکہ مولانا عبد الواسع قلعہ سیف اللہ،آغا محمود شاہ قلات میں عید منائیں گے،مفتی ابرار مانسہرہ، مولانا فضل علی حقانی اور مولانا عطاء الحق درویش صوابی میں عید منائیں گے۔اسلم غوری نے کہاکہ قائدین کی جانب سے عالم اسلام اور ہموطنوں کو عید کی مبارکباد دیتے ہیں،خوشی کے موقع پر نادار اور غریبوں کا خاص خیال رکھیں۔ میاں نواز شریف نے لندن میں عید منائی، شہباز شریف اور حمزہ شہباز لاہور میں نماز عید ادا کریں گے اور اس کے بعد جاتی امراء رائے ونڈ جائیں گے، مریم نواز رائے ونڈ میں عید منائیں گی، شاہد خاقان عباسی مری، احسن اقبال ناررووال، خواجہ سعد رفیق اور سردار ایاز صادق لاہور جبکہ خواجہ آصف سیالکوٹ میں عید منائیں گے۔وزیراعلیٰ پنجاب عثمان بزدار لاہور میں عید منائیں گے۔
