لاہور (آن لائن، این این آئی) پنجاب کی بیوروکریسی رواں مالی سال سے دوران ایگزیکٹو الاؤنس کی مد میں منظور کردہ بجٹ کے مقابلے میں 86 کروڑ 82 لاکھ روپے کی اضافی رقم اپنی جیبوں میں ڈال گئی۔ بتایا گیا ہے کہ پنجاب حکومت نے رواں مالی سال کے بجٹ میں صوبے کے گریڈ 17 سے گریڈ 22 تک کے افسران کے لئے ایگزیکٹو

الاؤنس کی میں 90 کروڑ 88 لاکھ روپے مختص کئے لیکن بیورو کریسی مختص کردہ رقم سے تجاوز کرتے ہوئے ایک ارب 70 کروڑ روپے سے زائد ایگزیکٹو الاؤنس کی مد میں خرچ کرگئی ہے۔ یہ بھی بتایا گیا ہے کہ مالی سال 2021-22ء کے صوبائی بجٹ میں پنجاب حکومت نے صوبے کی بیورو کریسی کے ایگزیکٹو الاؤنس کی مد میں ایک ارب 32 کروڑ روپے مختص کئے ہیں۔ دوسری جانب لاہور کے قذافی اسٹیڈیم سمیت نشتر اسپورٹس کمپلیکس میں بارش کے پانی کا حل نکال لیا گیا ہے، نشتر اسپورٹس کمپلیکس میں زیر زمین واٹر ٹینک بنانے کا فیصلہ کیا گیا ہے۔ وزیراعلی پنجاب سردار عثمان بزدار نے نشتر اسپورٹس کمپلیکس میں واٹر ٹینک بنانے کی منظوری دیدی۔دستاویز کے مطابق واٹرٹینک میں 138 ایکڑ رقبے پرہونے والی بارش کا پانی ذخیرہ کیاجاسکے گا، زیر زمین واٹرٹینک میں 4ملین گیلن پانی ذخیرہ کرنے کی گنجائش ہوگی۔نشتراسپورٹس کمپلیکس میں دس ایکڑ رقبے پر پانی کھڑا ہوتا ہے، زیر زمین واٹر ٹینک کی تعمیر پر تقریبا 688ملین روپے لاگت کا تخمینہ ہے، واٹر ٹینک کی تعمیر پر لاگت کے 60فیصد فنڈز پنجاب اسپورٹس بورڈ فراہم کرے گا۔ایم ڈی واسا زاہد عزیز کے مطابق زیر زمین واٹر ٹینک میں بارش کا ذخیرہ پانی گراؤنڈز کیلئے استعمال ہوگا، زیر زمین واٹرٹینک بنانے کے بعد اس

کی چھت پرگراؤنڈ بنادی جائے گی، واٹر ٹینک کی جگہ کو قابل استعمال بنایا جائے گا۔انہوں نے کہا کہ واسا اس سے قبل لارنس روڈ پر زیر زمین واٹرٹینک بناچکا ہے، لارنس روڈ پر بننے والے ٹینک پرلان ٹینس گراؤنڈ بنائی گئی ہیں، اس وقت کشمیر روڈ اور شیرانوالہ گیٹ میں زیر زمین واٹر ٹینک بنانے کا کام جاری ہے۔