کراچی (این این آئی) شادی ہال مالکان اور سندھ حکومت کے مذاکرات کامیاب ہوگئے۔زرائع کے مطابق شادی ہال مالکان کو کاروبار کھولنے کی مشروط اجازت دے دی ۔ شادی ہال مالکان کاجشن نوافل ادا کیے۔ تفصیلات کے مطابق تمام شادی ہال میں تیس فیصد وینٹی لیشن کا انتظام کیا جائے گا۔ شادی ہال میں مہمانوں کو ایس اوپیز کے ساتھ

داخلے کی اجازت دی جائے گی ۔ بغیر ماسک کسی صورت داخلے کی اجازت نہیں دی جائے گی۔ ابتدائی طور پر ڈیڑھ سو افراد کو شادی میں شرکت کی اجازت ہوگی۔ ادھر کراچی میں شادی ہال مالکان کا جشن منایا۔کراچی کے مختلف علاقوں میں شادی ہال کھول دیے گئے ۔شادی ہال مالکان اور ملازمین شادی ہال پہنچ گئے۔فیڈرل بی ایریا ، نارتھ ناظم آباد ، واٹر پمپ پر شادی ہال کھل گئے۔ گلشن اقبال ، گلستان جوہر ، کورنگی میں شادی ہال کھول دیے گئے۔اورنگی ٹاون ، شاہ فیصل ، ماڈل کالونی میں بھی شادی ہال کھول دیے گئے ۔ سرجانی ٹاون ، نارتھ کراچی میں بھی شادی ہال کھول دیے گئے ۔ شادی ہال کھولنے پر مالکان کی جانب سے مٹھائی بانٹی گئی ۔کئی عرصے بعد شادی ہال کھولنے پر ملازمین بھی خوشی سے نہال ہوگئے ۔مالکان اور ملازمین کی جانب سے شکرانے کی نوافل ادا کیے گئے ۔شادی ہال مالکان کی جانب سے صدقے کے لئے بکرے ذبح کیے گئے۔ دوسری جانب صدر شادی ہال ایسوسی ایشن رانا رئیس نے کہا ہے کہ شادی ہال کھولنے کی اجازت پر اظہار تشکر کرتے ہیں۔ سندھ حکومت کے شکرگزار ہیں کہ انہوں نے ہمیں کاروبار کھولنے کی اجازت دی ہے۔ سندھ حکومت نے محترمہ بے نظیر بھٹو کا نعرہ روٹی کپڑا اور مکان کا نعرہ آج سچ کر دکھایا رانا رئیس نے کہا کہ شادی ہال مالکان ایس او پیز پر ہر صورت عملدر آمد کریں گے ۔شہریوں سے بھی گزارش ہے کہ شادی ہال میں داخلے کے وقت ایس او پیز کا خیال رکھیں۔ ایس او پی پر عمل نہ کرنے والے شہریوں کو اجازت نہیں ملے گی