لاہور(نیوز ڈیسک) سابق وفاقی وزیر ریلوے خواجہ سعد رفیق نے عدلیہ بحالی تحریک میں (ن) لیگ کے شامل ہونے کو غلطی قرار دیتے ہوئے کہا ہے کہ اب ہمیں لگتا ہے کہ آصف زرداری کی اس وقت کی باتیں ٹھیک تھیں‘ پاکستان کی بقاکیلئے نواز شریف کو آزادی دلانا ہوگی‘ نئے پاکستان کو 22 دن ہو گئے صرف بونگیاں ماری گئیں، چینی سفیر یہاں آئے، ہماری تو چھوڑیں ان کی بھی عزت نہیں کی گئی‘

انتخابات کے نتیجے کو کسی نے تسلیم نہیں کیا، ایک ایسے آدمی کو لا کر بٹھا دیا گیا ہے جو منتخب نہیں ہے ہم نہیں چاہتے عمران خان کے حصے بھی وہ رسوائی آئے جو دیگر سابق وزرائے اعظم کے حصے میں آتی رہی ہے۔لاہور میں مسلم لیگ (ن)کے رہنما آصف کرمانی کے والد سعید کرمانی کی یاد میں تعزیتی ریفرنس سے خطاب کرتے ہوئے سعد رفیق نے کہا کہ انتخابات کے نتیجے کو کسی نے تسلیم نہیں کیا، ایک ایسے آدمی کو لا کر بٹھا دیا گیا ہے جو منتخب نہیں ہے، ہم نہیں چاہتے عمران خان کے حصے بھی وہ رسوائی آئے جو دیگر سابق وزرائے اعظم کے حصے میں آتی رہی ہے، ہم نے اس الیکشن کا بھی حلف لیا جو الیکشن ہے ہی نہیں یہ ملک ایسے نہیں چل سکتا، لوگوں کو حقوق دینا ہوں گے، جب تک نواز شریف جیل میں ہیں حالات ٹھیک نہیں ہوں گے۔ پاکستان کی بقا کے لیے نواز شریف کو آزادی دلانا ہوگی۔انہوں نے کہا کہ عدلیہ بحالی تحریک کے دوران عمران خان اسلام آباد میں چھپے ہوئے تھے، عدلیہ بحالی تحریک میں شامل ہونا ہماری غلطی تھی، ہمیں لگتا ہے کہ آصف زرداری کی اس وقت کی باتیں ٹھیک تھیں۔ عدلیہ بحالی تحریک میں نواز شریف کو تجویز دی تھی کہ ایک بار سوچ لیں، ہمیں لگتا تھا کہ اب مارشل لا کی چاپ بھی نہیں آئے گی لیکن سارا کام الٹا ہو گیا۔انہوں نے کہا کہ نوازشر یف کو سزا دینے کے بعد اب ثبوت ڈھونڈے جارہے ہیں، ہزاروں لوگوں کے ساتھ

نواز شریف عدلیہ کی آزادی کیلئے نکلے تھے، عدلیہ تحریک سے قبل نوازشریف کو ایک بار دوبارہ سوچنے کو کہا تھا ہم سمجھتے تھے کہ ہمیں تحفظ دیا جائے گا لیکن ہمیں کہاں لا کر کھڑا کر دیا، ایک ایسے آدمی کو لاکر بٹھا دیا گیا وہ منتخب ہے ہی نہیں، یہ آدمی جس کو وزیراعظم بنا دیا گیا اس وقت یہ چھپا رہا(ن) نئے پاکستان کو 22 دن ہو گئے صرف بونگیاں ماری گئیں، چینی سفیر یہاں آئے،

ہماری تو چھوڑیں ان کی بھی عزت نہیں کی گئی۔انہوں نے کہا کہ ہم بھی ہزاروں لوگوں کو نکال کر باہر لا سکتے ہیں لیکن ہم نے اس الیکشن کا حلف اٹھایا ہے جو لولی لنگڑی ہے، جب تک نواز شریف جیل میں ہے تب تک یہ کانٹا چبھا رہے گا، پاکستان کی بقاکیلئے نواز شریف کو آزادی دلانا ہوگی۔انہوں نے کہا کہ پاکستان کو انار کی جانب نہ لے جایا جائے، آپ کو لوگوں کو آج نہیں تو کل حقوق دینے ہوں گے

موضوعات:خواجہ سعد رفیق